NMIXX-ийн Haewon эрүүл мэндийн шалтгаанаар Барселона дахь тоглолтод оролцсонгүй

Soompi-гийн мэдээлснээр, NMIXX хамтлагийн Haewon эрүүл мэндийн шалтгааны улмаас “Music Bank in Barcelona” тоглолтод хамтлагийнхаа бусад гишүүдтэй хамт тайзнаа гарах боломжгүй болсныг JYP Entertainment есдүгээр сарын 12-нд орон нутгийн цагаар мэдэгджээ.

Агентлагийн тайланд дурдсанаар, Haewon бие тавгүйрхсэний дараа орон нутгийн эмнэлэгт үзүүлж, үзлэгт орсон байна. Эмч нар түүнд амрах, эрүүл мэнддээ анхаарахыг зөвлөсөн тул тухайн өдрийн тоглолтод оролцуулахгүй гэж шийджээ.

Ингэснээр тоглолт Lily, Sullyoon, Bae, Jiwoo, Kyujin нарын таван гишүүнтэй үргэлжилсэн байна. JYP Entertainment фэнүүдээс ойлголт хүсэж, артистуудын эрүүл мэнд, сайн сайхан байдал нэн тэргүүнд гэдгийг онцолсон байна.