ATEEZ-ийн San болзож байгаа гэх цуурхлыг няцаалаа

ATEEZ хамтлагийн San болон түүний агентлаг болзож байгаа гэх цуурхлыг няцаалаа. Soompi-гийн мэдээлснээр, Миланы загварын долоо хоногийн үеэр түүнтэй хамт явж байсан танихгүй эмэгтэйгээс болж ийм яриа гарсан байна.

San энэ долоо хоногийн эхээр Dolce & Gabbana-гийн загварын шоуг дэлхийн элч төлөөлөгчийн хувиар үзэхээр Итали руу очжээ. Миланд байхдаа түүнийг нэг эмэгтэйтэй хамт гудамжаар алхаж яваа нь харагдсан бөгөөд энэ агшны вирусдсэн бичлэгээс болзож байгаа гэх таамаг тарсан байна.

Гэсэн ч 9-р сарын 26-нд ATEEZ-ийн KQ Entertainment агентлаг дээрх яриаг няцааж, тухайн эмэгтэй нь Миланд төвтэй брэндийн төлөөлөгч байсан гэж тайлбарласан байна. Мөн агентлагийн зүгээс зураг дээр тэд хоёулаа ганцаараа мэт харагдавч бичлэгт цайвар хүрэн хувцастай хүн нь орон нутгийн хамгаалалтын ажилтан, ард нь менежер нь байсныг онцолжээ.

San ч мөн Fromm платформоор дамжуулан цуурхлыг үгүйсгэж, ийм болзож байгаа гэх яриа гарсныг хараад үнэн биш гэж бичсэн байна.