Есдүгээр сарын айдолуудын нэр хүндийн жагсаалт зарлагдлаа
Korean Business Research Institute энэ сарын бие даасан айдолуудын нэр хүндийн жагсаалтыг зарлалаа. Жагсаалтыг 8-р сарын 23-наас 9-р сарын 23-ны хооронд цуглуулсан том дата дээр үндэслэн, хэрэглэгчдийн оролцоо, хэвлэлийн мэдээлэл, харилцан үйлчлэл, олон нийтийн танилт зэрэг үзүүлэлтээр гаргасан байна.
Soompi-гийн мэдээлснээр RESCENE хамтлагийн Woni энэ сард ч тэргүүн байраа хадгалсан бөгөөд нэр хүндийн индекс нь 7,859,086 хүрч, 8-р сараас 13.05 хувь өсжээ. Түүний түлхүүр үгсэд “superstar”, “Like Woni” зэрэг багтсан бол холбоотой нэр томьёонд “cute”, “like”, “root for” өндөр байр эзэлсэн байна. Мөн эерэг үнэлгээ 94.58 хувьтай гарчээ.
Хоёрдугаар байрт BTS-ийн Jimin 6,845,549 оноотой бичигдсэн бөгөөд өмнөх сараас 28.20 хувиар өссөн байна. Гуравт BIGBANG-ийн G-Dragon 149.08 хувийн өсөлтөөр 6,070,909 оноотой оржээ.
Дөрөвдүгээрт RESCENE-ийн Zena 5,904,063 оноогоор жагссан бол тавдугаарт BTS-ийн Jungkook 5,148,211 оноотой багтсан байна. Энэ сарын эхний 30-д BLACKPINK, IVE, Red Velvet, aespa, Wanna One, ATEEZ, Girls’ Generation, ILLIT, BIGBANG зэрэг олон уран бүтээлч багтжээ.
