Amazon бусад жижиглэн худалдаачдад AI худалдааны технологио санал болгож эхэллээ

Amazon өөрийн хиймэл оюун ухаанд суурилсан худалдааны технологио бусад жижиглэн худалдаачдад худалдаалж эхэллээ. Ингэснээр тус компани зөвхөн өөрийн экосистемээр хязгаарлагдахгүй, дэлгүүрүүдэд хэрэглэгчийн туршлагыг илүү ухаалаг болгох шинэ орлогын суваг нээж байна.

Энэхүү үйлчилгээ нь хэрэглэгчдэд илүү тохирсон бүтээгдэхүүн санал болгох, хайлтын үр дүнг сайжруулах, худалдан авалтын шийдвэрийг хурдлуулахад чиглэжээ. Өөрөөр хэлбэл, Amazon-ийн онлайн худалдаанд ашигладаг AI-ийн давуу талыг бусад брэндүүд өөрсдийн сайт, платформ дээр ашиглах боломжтой болж байна.

Анхны хэрэглэгчдийн нэгээр Kate Spade бүртгэгдсэн нь энэ технологи зөвхөн томоохон платформуудад биш, дээд зэрэглэлийн брэндүүдэд ч сонирхол татаж байгааг харуулж байна. Retail салбарын хувьд AI нь зүгээр нэг шинэчлэл бус, борлуулалт өсгөх бодит хэрэгсэл болон хувирч байна.