Mazda: Mazdaspeed3 эргэн ирэхгүй, “зүгээр л цуурхал”
Mazda-ийн өндөр хүчин чадалтай Mazdaspeed3 дахин гарахгүй бололтой. Motor1-ийн мэдээлснээр Mazda Australia-ийн удирдах захирал Vinesh Bhindi шинэ халуун хэтчбек бэлдэж байна гэсэн яриаг “No, it’s rumors.” гэж няцаажээ.
Одоогийн Mazda3 зах зээл дээр сайн борлогдож байна. Энэ жил 36,020 ширхэг зарагдсан нь өнгөрсөн оны мөн үеэс 48.4 хувиар өссөн бөгөөд зөвхөн аравдугаар сард 145.5 хувийн өсөлттэй гарчээ.
Одоогийн загварт 2.5 литрийн атмосфер эсвэл турбо хөдөлгүүр санал болгодог. Турбо хувилбар нь 250 морины хүч, 320 lb-ft мушгих хүчтэй, мөн 6 шатлалт механик эсвэл 6 шатлалт автомат хурдны хайрцаг, бүх дугуйн хөтлөгчтэйгээр авах боломжтой.
Mazdaspeed3 өөрөө 2007–2013 онд хоёр үеэр, нийт долоон жил борлуулагдсан. Анхны хувилбар нь 263 морины хүчтэй 2.3 литрийн турбо мотортой байсан бөгөөд тухайн үедээ 23,000 ам.доллараас эхэлж байв.
