Жэйми Даймон: Хиймэл оюуны зардал ирэх жил 1 их наяд долларт хүрч магадгүй
JPMorgan-ын гүйцэтгэх захирал Жэйми Даймон хиймэл оюуны салбар дахь хөрөнгө оруулалт цаашид ч огцом өснө гэж үзэж байна. Тэрбээр hyperscaler буюу томоохон үүлэн үйлчилгээ үзүүлэгчдийн экосистем дэх AI-д чиглэсэн нийт зарлага ирэх жил 1 их наяд ам.долларт хүрч мэднэ гэж мэдэгдлээ.
Энэ тоо нь зах зээл дээрх AI-ийн өрсөлдөөн хэр хурдтай эрчимжиж буйг харуулж байна. Дата төв, чип, сервер, эрчим хүч, сүлжээний дэд бүтэц зэрэгт асар их хэмжээний капитал шингэж байгаа нь томоохон технологийн компаниудын өсөлтийн дараагийн давлагааг тодорхойлж эхэлжээ.
Даймонын хэлснээр, эрэлт огцом өсөж буй энэ үед компанийн холбоотой зардал ч дагаж нэмэгдэнэ. Гэхдээ ийм хэмжээний хөрөнгө оруулалт нь урт хугацаанд өгөөжөө өгөх эсэх нь хөрөнгийн зах зээлийн хамгийн анхаарал татсан асуултуудын нэг хэвээр байна.
