Сам Олтман: Хиймэл оюуны салбар удаашрахгүй бол хяналтаа алдаж болзошгүй
OpenAI-ийн тэргүүн Сэм Алтман хиймэл оюуны хөгжил хэт хурдтай явбал салбар хяналтаас гарах эрсдэлтэй гэж анхаарууллаа. Түүний хэлснээр, AI-ийн аюулгүй байдлын шинэ хүрээ, шалгуур, хяналтын механизмгүйгээр томоохон дэвшлүүдийг түргэвчлэх нь буруу алхам байж мэднэ.
Алтман салбарын олон тоглогчид одоо нэг зүйлийг илүү нухацтай ярьж эхэлснийг онцолсон. Тэр нь зөвхөн илүү хүчтэй загвар бүтээх бус, тэдгээрийг хаана, хэрхэн, ямар эрсдэлийн дор ашиглахыг тодорхойлох шаардлага юм.
Түүний байр суурь нь хиймэл оюуны өрсөлдөөн ширүүсэж буй энэ үед гарч байна. Компаниуд илүү ухаалаг, хурдан систем бүтээхийн төлөө уралдаж байгаа ч зарим нь энэ тэмцэл аюулгүй байдлын шалгуурыг гүйцэхгүй байх вий гэж болгоомжилж байна.
Алтманы хэлснээр, “удаашруулах” гэдэг нь хөгжлийг зогсооно гэсэн үг биш. Харин AI-ийн дараагийн үе шатыг илүү хариуцлагатай, ил тод, хяналттай байдлаар ахиулах тухай асуудал юм.
