Intel-ийн хямд чипүүд бүр дуусчихаж

Intel хамгийн хямд зөөврийн компьютерийн чипүүдээрээ гэнэт эрэлт тэсрэлттэй тулгарлаа. Гүйцэтгэх захирал Лип-Бу Танийн хэлснээр Wildcat Lake цувралын эрэлт нийлүүлэлтээсээ давсан байна.

CFO Дэвид Зинснер бүр “одоо бүгд зарагдсан” гэж хэлжээ. Энэ нь санах ой болон бусад эд ангийн үнэ өсөж, төсөвт багтсан шинэ Windows ноутбукуудын эрэлт нэмэгдэж буйтай давхцаж байна.

Wildcat Lake нь Intel-ийн зардал багатай, хямд сегментэд чиглэсэн гол бүтээгдэхүүн болж, Dell XPS 13, HP Omnibook 5 14 зэрэг загваруудад ашиглагдаж эхэлжээ. Өөрөөр хэлбэл, өндөр үнэ, нийлүүлэлтийн дарамттай зах зээлд Intel-ийн энэ чип яг зөв мөчид гарч ирсэн гэсэн үг.

Энэ тренд нь Intel-д орлого нэмэх төдийгүй, хямд laptop зах зээл дээр байр сууриа бэхжүүлэх боломж өгч байна.