Cash App “шидэт саваа” гаргалаа
Cash App контактгүй төлбөрийг бүр илүү анхаарал татахуйц болгож байна. Тус компани NFC-тай, солонгорсон өнгөт одтой үзүүртэй шинэ Cash App Wand-аа танилцууллаа. Утсаа гаргахгүйгээр, карт ч сугалалгүйгээр төлбөр хийх боломжтой энэ жижиг хэрэгсэл нь шууд “ид шид” шиг харагдана.
Сонирхолтой нь, энэ санаа TikTok, Etsy дээр аль хэдийн хүчтэй явж байсан DIY трендээс төрсөн. Хүмүүс өөрсдөө 3D принтерээр эсвэл гар аргаар контактгүй картын өвөрмөц суурь, бүр шидэт саваа хүртэл хийж эхэлсэн байна.
Cash App энэ трендийг бүтээгдэхүүн болгож, залуусын сошиал соёл, хэрэглээний дизайн, төлбөрийн технологийг нэг дор зангидлаа. Энэ нь жижиг аксессуар шиг харагдавч брэндийн хувьд хэрэглэгчийн анхаарал, өдөр тутмын ашиглалт, viral маркетингийн хүчийг зэрэг авчирч байна.
