Tesla шинэ Roadster-ыг 531 км/ц хүртэл хүргэнэ гэжээ

Motor1-ийн мэдээлснээр Tesla шинэ Roadster загвараа 330 mph буюу 531 км/ц хүрч чадна гэж үзэж байна. Хэрэв энэ төлөвлөгөө биелбэл тус машин шууд л хамгийн хурдан цуврал үйлдвэрлэлийн автомашины нэг болно.

Гэхдээ энэ нь одоогоор батлагдсан үзүүлэлт биш, зөвхөн Tesla-ийн зорилт хэвээр байна. Одоогоор компанийн хэлж буй стандарт хувилбар нь 1,073 морины хүч, Performance хувилбар нь 1,350 морины хүчтэй байх аж.

Roadster-ийн одоогийн зарласан дээд хурд 214 mph буюу 345 км/ц байна. Мөн 500–515 км зай туулах боломжтой, 500 кВт цэнэглэлтийг дэмжиж, 10-80 хувьд 15 минутаас бага хугацаанд цэнэглэнэ гэжээ.

Тесла 2028 онд үйлдвэрлэл эхлүүлэхээр төлөвлөж байгаа бөгөөд урьдчилсан захиалга нээлттэй байна. Performance хувилбарт 50,000 ам.долларын, Thrust хувилбарт 250,000 ам.долларын урьдчилгаа шаардана.