Volkswagen ID.4 шинэчлэгдэж, ID. Tiguan нэртэй болно

Volkswagen цахилгаан ID.4 загвараа шинэчилж, нэрийг нь ID. Tiguan болгон өөрчлөхөө баталлаа. Шинэ хувилбар нь 2027 онд Европт эхэлж, дараа нь АНУ-ын зах зээлд гарна гэж Motor1-ийн мэдээлснээр байна.

Гадна талдаа урд, хойд гэрлийг дахин загварчилж, дотроо илүү уламжлалт удирдлагатай болно. Тодруулбал, төв дэлгэцийн доор физик товчлуурууд суурилж, touch slider-ийг авч, жолоочийн дэлгэц болон жолооны хүрдний товчлууруудыг шинэчилжээ.

ID. Tiguan нь MEB суурьтай цахилгаан архитектур дээр үргэлжлэн үйлдвэрлэгдэх бөгөөд бензин, дизель, plug-in hybrid Tiguan-тай техникийн хувьд өөр хэвээр үлдэнэ. Volkswagen мөн ID.5 купе хувилбарыг зогсоохоор төлөвлөсөн байна.