Meta-гийн шүүхийн ялагдал илүү том цохилт болж магадгүй

Meta шүүх дээр 375 сая ам.долларын торгууль хүлээгээд зогсохгүй, бүр том дарамттай нүүр тулж магадгүй байна. Нью-Мексикогийн ерөнхий прокурор Рауль Торресын нэхэмжлэл дараагийн шатандаа орж, Facebook, Instagram, WhatsApp дээр хязгаарлалт тогтоох эсэхийг шүүх хэлэлцэнэ.

Энэ удаагийн маргаан Meta-гийн бизнесийн цөм рүү чиглэж байна. Ялангуяа нас баталгаажуулалт нэвтрүүлэх, 18-аас доош хэрэглэгчдэд end-to-end encryption хориглох, хэрэглээг нь 90 минутаар хязгаарлах санал хамгийн их анхаарал татаж байна.

Хэрэв шүүх эдгээр өөрчлөлтийг дэмжвэл Meta зөвхөн мөнгөөр биш, бүтээгдэхүүний дизайнаар ч төлөөс төлнө. Энэ нь бусад social media platform-уудын хүүхдийн аюулгүй байдлын бодлогыг бүхэлд нь өөрчлөх дохио болж мэднэ.