Чипийн шинжээч Nvidia, Broadcom-д том өсөлт харж байна
Хиймэл оюун ухааны загварын хөгжүүлэлтийг удаашруулах тухай яриа олшроод байгаа ч чипийн зах зээл дээрх эерэг хүлээлт бүдгэрсэнгүй. Харин ч тэргүүлэх чипийн компаниудад хөрөнгө оруулагчдын сонирхол дахин сэргэж, Nvidia болон Broadcom-ийн нэр дахин онцгойрч эхэллээ.
Зарим шинжээч AI-ийн өрсөлдөөн дагасан өөр төрлийн чипийн экосистем рүү анхаарлаа хандуулж буй энэ үед ч зах зээлийн тэргүүлэгч хоёр компанийн урт хугацааны өсөлт хүчтэй хэвээр гэж үзэж байна. Тэдний тооцооллоор AI дата төвийн эрэлт, өндөр гүйцэтгэлтэй тооцоолол, сүлжээний дэд бүтцийн шинэчлэл нь энэ хоёр компанийн орлогын өсөлтийг үргэлжлүүлэн тэтгэх төлөвтэй.
Хөрөнгө оруулагчдын хувьд гол асуулт нь AI-ийн дараагийн давалгаа хаашаа эргэх вэ гэдэгт оршиж байна. Гэхдээ одоогоор зах зээл Nvidia-ийн GPU, Broadcom-ийн захиалгат чип болон холболтын шийдлүүдийг AI-ийн хамгийн ашигтай хэсгүүдийн нэг хэвээр гэж харсаар байна.
