Logitech Европт л зай сольдог хулгана гаргана

Logitech удахгүй Европын зах зээлд л нэг өөр төрлийн утасгүй хулгана гаргахаар болжээ. 2027 оны 2-р сараас ЕХ-нд хэрэглэгч өөрөө сольж болох батарейтай төхөөрөмжүүдийг шаардах гэж байгаа тул тус компани хоёр өөр хувилбар хийхээр төлөвлөж байна: Европт сольдог батарейтай, бусад бүсэд өмнөх загвараа үргэлжлүүлэх гэнэ.

Энэ нь Nintendo-ийн Switch 2 дээр хэрэглэсэн тактикыг санагдуулж байна. Өөрөөр хэлбэл, шинэ “засвартай” дизайн бүх зах зээлд биш, зөвхөн зохицуулалт хүчтэй бүсэд очиж байна.

Logitech-ийн gaming хариуцсан шинэ удирдагч Робин Пииспанен энэ талаар ярьсан бөгөөд тус компани хэрэглэгчийн хэрэгцээ, өртөг, үйлдвэрлэлийн ялгааг зэрэгцүүлэн тооцож байгаа бололтой. Гэхдээ энэ шийдвэр нэг зүйлийг тод харуулж байна: Европын дүрэм том брэндүүдийн бүтээгдэхүүний дизайныг шууд өөрчилж эхэллээ.