Amazon хиймэл оюуны хөрөнгө оруулалтаа санхүүжүүлэхээр 25 тэрбум доллар босгож байна

Amazon компани дор хаяж 25 тэрбум ам.долларын бонд гаргахаар болж, энэ жил дахин нэмэлт өр тавихгүй гэж мэдэгдлээ.

Энэхүү шийдвэр нь тус компанийн хиймэл оюуны салбар дахь асар том хөрөнгө оруулалтаа санхүүжүүлэх дараагийн алхам болж байна. Дата төв, cloud дэд бүтэц, AI холбогдсон системүүдэд зарцуулж буй зардал өсөж байгаа энэ үед Amazon өрийн зах зээл рүү дахин орж, хөрөнгө татахаар зорьж байна.

Хамгийн том цахим худалдаа, үүлэн үйлчилгээний компаниудын нэг болох Amazon-ийн энэ алхам нь AI уралдаанд байр сууриа бататгахын тулд богино хугацаанд илүү их хөрөнгө гаргах шаардлагатай болсныг харуулж байна. Зах зээлд ийм хэмжээний бондын санал гарах нь компанийн ирээдүйн өсөлтөд итгэлтэй байгаагийн зэрэгцээ, технологийн аваргуудын капиталыг ашиглах шинэ эринд орсны дохио болж байна.