XLOV хамтлагийн Wumuti эрүүл мэндийн шалтгаанаар хуваариасаа түр чөлөөлөгдөнө

Soompi-гийн мэдээлснээр XLOV хамтлагийн Wumuti эрүүл мэндийн байдал нь дордсон тул өнөөдрийн болон дараагийн хуваарьт оролцохгүй гэж StrangeLab мэдэгдлээ. Тэрээр 10-р сарын 4-ний нээлттэй уулзалт болон видео дуудлагын арга хэмжээнд суухгүй байна.

StrangeLab-ын мэдээлснээр, үлдсэн гурван гишүүн тухайн арга хэмжээг үргэлжлүүлэн оролцох бөгөөд Wumuti-гийн видео дуудлагын арга хэмжээг хожим өөр өдөрт шилжүүлэхээр болжээ. Харин цагийн хуваарьт өөрчлөлт орсон талаарх дэлгэрэнгүйг худалдан авагчдад тусад нь хүргэнэ гэжээ.

Тус агентлаг уран бүтээлчийн эрүүл мэнд, аюулгүй байдлыг нэн тэргүүнд тавьж, эдгэрэлтэд нь төвлөрөхөд нь бүх талаар дэмжинэ гэж мэдэгдсэн байна.