Kalshi зээлтэй арилжааг нээхээр CFTC-д хүсэлт гаргалаа
Kalshi платформ дээрээ margin trading буюу зээлтэй арилжаа нэвтрүүлэх зөвшөөрөл авах хүсэлтээ АНУ-ын Derivatives зах зээлийг хянадаг CFTC-д хүргүүлжээ. Энэ өөрчлөлт нь хэрэглэгчдэд өөрийн хөрөнгөнөөс илүү хэмжээгээр байр суурь нээх боломж олгох бөгөөд платформын арилжааны идэвхийг эрс нэмэгдүүлэхээр байна.
Ингэснээр Kalshi зөвхөн жижиглэнгийн хэрэглэгчдийг бус, илүү том хэмжээний арилжаа хийдэг институцийн хөрөнгө оруулагчдыг татах зорилгодоо нэг алхам ойртож байна. Event contract буюу үйл явдлын үр дүн дээр суурилсан гэрээний зах зээлүүд сүүлийн үед өрсөлдөөн ширүүсч, оролцогчдын тоо, арилжааны хэмжээ хоёул тэлэхийн төлөө шинэ бүтээгдэхүүн, шинэ боломжуудыг идэвхтэй туршиж эхэлсэн.
Зээлтэй арилжаа нь ашгийн боломжийг өсгөдөг ч эрсдэлийг нь ч мөн адил нэмэгдүүлдэг. Тиймээс Kalshi-ийн энэхүү алхам нь өсөлтөө түргэтгэх стратеги мөн боловч, зохицуулалтын талаас анхаарал татах томоохон сэдэв хэвээр байна.
