Song Kang, Lee Jun Young нар “Four Hands, Two Sonatas”-т өрсөлдөв
tvN-ийн “Four Hands, Two Sonatas” драмд Song Kang, Lee Jun Young нар найз нөхдөөс өрсөлдөгч болж, олон улсын уралдаанд нэгэн тайзан дээр нүүр тулна. Энэхүү шинэ анги дээр Kang Pio, Choi Jeong Yo хоёр хөгжмийн замнал, өрсөлдөөний хурц мөчийг харуулах юм.
“Four Hands, Two Sonatas” нь урлагийн дунд сургуульд танилцсан хоёр сурагчийн нөхөрлөл, хайр, өрсөлдөөн, өсөлтийг өгүүлж, тэднийг өсвөр наснаас мэргэжлийн төгөлдөр хуурч болох хүртэлх аяллыг харуулдаг. Өмнөх ангиудад тэд бие биедээ урам өгч, хөгжимөөр дамжин өсөж хөгжсөн билээ.
Гэвч дараагийн ангид тэд хамтран бэлтгэл хийдэг нөхөд биш, харин тайзны өрсөлдөгчид болно. Kang Pio-ийн өвөө түүний авьяасыг үргэлж үл тоомсорлож, Choi Jeong Yo-гийн авьяасыг өндрөөр үнэлсээр ирсэн нь энэ тэмцээний дарамтыг улам нэмэгдүүлж байна.
Шинээр нийтлэгдсэн драмын шинэ гэрэл зургууд дээр хоёр дүрийн хоорондын хурц уур амьсгал тод харагдана. Төгөлдөр хуурын ард суухдаа тэд хоёулаа бүрэн анхаарлаа төвлөрүүлсэн байна.
Үзэгчдийн суудалд суух үедээ Kang Pio шийдэмгий төрхтэйгээр зөвхөн тайзыг ширтэж, харин анхны олон улсын уралдаандаа оролцож буй Choi Jeong Yo орчны байдлыг ажиглан харцаараа тойруулж байна. Дараагийн анги энэ сарын 12-ны Солонгосын цагаар 21:10-д цацагдана гэж Soompi мэдээлжээ.
