THE BOYZ-ийн 9 гишүүн группийн үйл ажиллагаандаа шинэ агентлагтай боллоо
THE BOYZ хамтлагийн Санён, Jacob, Younghoon, Hyunjae, Juyeon, Kevin, Q, Sunwoo болон Eric нар группийн уран бүтээлийн үйл ажиллагаагаа 78 RECORDS агентлагтай хамт үргэлжлүүлэхээр боллоо. Soompi-гийн мэдээлснээр 78 RECORDS есдүгээр сарын 14-нд энэ талаар албан ёсоор зарласан байна.
Тус агентлаг “THE BOYZ-ийн группийн үйл ажиллагааг зөвхөн бид хариуцна” гэж мэдэгдээд, гишүүдийн хүсэл зорилго, уран бүтээлийн чиг баримжааг улам тод харагдуулах бүрэн дэмжлэг үзүүлнэ гэжээ. 78 RECORDS нь Kakao Entertainment зэрэг компанид ажиллаж байсан салбарын мэргэжилтнүүдийн байгуулсан лейбл бөгөөд хамтлагийн дебютээс хойш хамт байсан хоёр захирал нь мөн оролцож байгаа аж.
Мөн албаны хүн THE BOYZ-ийг удаан хугацаанд мэддэг учраас гишүүдийн эрхэмлэдэг үнэт зүйл, цаашдын чиглэлийг сайн ойлгож байгаагаа онцолсон байна. Харин гишүүн бүрийн хувь хүний хуваарьт ажил цаашид тухайн хүний харьяа агентлаг болон хувийн төлөвлөгөөний дагуу зохицуулагдана.
Өмнө нь Younghoon Namoo Actors-т, Sunwoo AT AREA-д, Eric GRID Entertainment-т, Juyeon ACE FACTORY-т, Hyunjae Management SEESUN-д, Q PEACHY Company-д тус тус гэрээ байгуулсан талаар мэдээлж байсан.
