Сургуульд утас бүрэн хорихыг америкчууд илүү дэмжиж эхэллээ

АНУ-ын сургуулиудад гар утас хориглох шийдвэр огцом илүү дэмжлэг авч эхэллээ. Pew Research Center-ийн шинэ судалгаагаар насанд хүрэгчдийн 77% нь дунд, ахлах ангид хичээлийн үеэр утас хэрэглэхийг хориглохыг зөв гэж үзжээ.

Харин илүү анхаарал татах нь “bell-to-bell” буюу хичээлийн бүтэн өдөр утас хориглох дэмжлэг 48%-д хүрсэн явдал. Энэ нь анх удаа хоригийг эсэргүүцэгчдээс дэмжигчид нь илүү гарсан гэсэн үг.

Зөвхөн хоёр жилийн өмнө бүтэн өдрийн хоригийг 36% л дэмжиж байв. Өөрөөр хэлбэл, сургуулийн анхаарал сарниулах асуудал, хүүхдийн дижитал хэрэглээ, анги доторх сошиал орчны нөлөө зэрэгт эцэг эх, олон нийт илүү хатуу байр суурьтай болж байна. Энэ чиг хандлага нь боловсролын бодлого, edtech зах зээлд ч шинэ дарамт, шинэ боломж авчирч магадгүй.