Microsoft Xbox-оо салгах хувилбарыг ч хаагаагүй

Microsoft Xbox-ийнхаа ирээдүйг дахин зурж эхэллээ. Тус компани томоохон цомхотгол хийхээр бэлдэж, дараагийн үеийн Project Helix консолын төлөвлөгөөг ч дахин үнэлж байна.

Хамгийн анхаарал татаж буй нь: Xbox-ийг тусдаа бүтэц болгох хувилбаруудыг Microsoft дотроо судалсан гэх мэдээлэл. Энэ нь бүрэн эзэмшлийн охин компани болгох, хамтарсан компани байгуулах, эсвэл бүр тусдаа гаргаж зарах хүртэл сонголтуудыг багтаажээ.

Одоогоор шийдвэр эцэслэгдээгүй ч энэ нь Xbox зөвхөн тоглоомын бизнес биш, Microsoft-ын өсөлт, зардал, хөрөнгө оруулалтын стратегийн том хэсэг болсон гэдгийг харуулж байна. Хэрвээ бүтэц өөрчлөгдвөл дэлхийн консолын өрсөлдөөн, студиудын ирээдүй, шинэ тоглоомын төсөлд шууд нөлөөлнө.