Google AI хайлтыг зориудаар “манипуляцлах”-ыг спамд тооцлоо

Google хайлтын спамын дүрмээ шинэчилж, AI‑ийн хариуг санаатайгаар “манипуляцлах” оролдлогыг шууд спам гэж ангиллаа. Энэ нь Search дээрх AI Overview болон AI Mode-д ч хамаарна.

Өөрөөр хэлбэл, хайлтын үр дүнг дээгүүр гаргахын тулд хийдэг хуучны SEO арга одоо AI-д ч хүрч, Google-ийн анхаарлын төвд орж байна. Зарим сайт “best of” жагсаалтыг хэт нэг талыг барьж бичих, эсвэл recommendation poisoning зэрэг аргаар LLM-ийн хариуг гуйвуулах гэж оролддог болсон.

Энэ өөрчлөлт нь AI хайлт бизнесийн шинэ фронт болсныг харуулж байна. Брэндүүд, хэвлэлүүд, стартапууд зөвхөн хандалт авах гэж биш, AI системд “итгэгддэг” контент бүтээх шаардлагатай болж байна. Google-ийн хувьд энэ бол хайлтын чанарыг хамгаалах, хэрэглэгчдийг төөрөгдлөөс сэргийлэх чухал алхам.