Qualcomm-ийн хувьцаа 16% өсөж, зах зээлд эерэг дохио өглөө
Qualcomm-ийн хувьцаа пүрэв гарагт 16%-иар өсөж, хөрөнгө оруулагчдын анхаарлыг хүчтэй татлаа. Өсөлтийн гол шалтгаан нь гүйцэтгэх захирал Кристиано Амон чип нийлүүлэлт болон Хятадын зах зээлийн төлөвийн талаар өөдрөг мэдээлэл өгсөнтэй холбоотой.
Тэрбээр компанийн дата төвийн чипийг “томоохон hyperscaler” буюу үүлэн дэд бүтцийн аварга хэрэглэгчид төлөвлөснөөс эрт нийлүүлж эхэлнэ гэж мэдэгдсэн байна. Энэ нь Qualcomm хиймэл оюун ухаан, өгөгдлийн төвийн зах зээлд илүү хүчтэй байр суурь эзлэхээр түргэсэж буйг харуулж байна.
Мөн Амон Хятадын борлуулалтын хувьд доод цэгтээ хүрсэн гэж хэлсэн нь зах зээлд бас нэг эерэг дохио болов. Хятад бол Qualcomm-ийн хувьд хамгийн чухал зах зээлийн нэг бөгөөд эрэлт сэргэж эхэлж буй нь орлогын дарамтыг бууруулах боломжтой гэж үзэж байна.
Хөрөнгө оруулагчид одоо компанийн дата төвийн шинэ бизнес болон Хятадын сэргэлт үнэхээр өсөлтийн шинэ үеийг эхлүүлэх эсэхийг ажиглаж байна.
