Qualcomm-ийн хувьцаа 16% өсөв: Хятад захиалга сэргэж, том hyperscaler-т нийлүүлэлт эхэлнэ
Qualcomm-ийн хувьцаа мягмар гарагт 16%-иар огцом өсөв. Үүнд компанийн гүйцэтгэх захирал Кристиано Амон хийсэн мэдэгдлүүд голлон нөлөөллөө.
Тэрбээр Qualcomm энэ оны төлөвлөгөөнөөсөө өмнө дата төвийн чипээ “том hyperscaler” хэрэглэгчид нийлүүлж эхэлнэ гэж мэдэгдсэн байна. Зах зээлд энэ нь хиймэл оюун ухаан, үүлэн тооцооллын салбар дахь өсөлтийн шинэ дохио хэмээн хүлээн авагдав.
Амон мөн Хятад дахь борлуулалтын уналт доод цэгтээ хүрсэн гэж онцолсон нь хөрөнгө оруулагчдын итгэлийг улам нэмэгдүүлжээ. Удаан хугацаанд саарсан энэ зах зээл тогтворжиж эхэлсэн нь Qualcomm-д дахин өсөлт авчрах боломжтой гэж үзэж байна.
Хагас дамжуулагчийн салбарын хувьд ийм мэдэгдэл нь зөвхөн нэг компанийн тайлан биш, харин эрэлт сэргэж буй, зах зээлийн дарамт намдаж буйг илтгэх дохио юм. Тиймээс Qualcomm-ын гэнэтийн өсөлт нь технологийн хувьцаануудын сэтгэлзүйг ч бас өргөв.
