АНУ-ын сенаторууд prediction market-ийг хатуу хянахыг шаардлаа
АНУ-ын Ардчилсан намын хэд хэдэн сенатор CFTC буюу Коммодити фьючерсийн арилжааны комиссоос prediction market платформуудын хяналтыг чангатгахыг шаардлаа. Тэдний санаа зовниж буй гол асуудал нь эдгээр платформ бооцооны зах зээл шиг ажиллаж, зөвхөн зах зээлийн нөхцөлөөс бус, зарим тохиолдолд дотоод мэдээллийн давуу талаас ашиг олох эрсдэл үүсгэж байгаа явдал юм.
Орегоны сенатор Жефф Мерклигээр ахлуулсан захидалд Kalshi, Polymarket зэрэг компаниудын үйл ажиллагаанд илүү тодорхой, хатуу дүрэм хэрэгтэйг онцолжээ. Хуулийн хүрээ бүдэг байх тусам ийм платформууд улс төр, спорт, эдийн засгийн үйл явдлын үр дүн дээр наймаа хийх шинэ хэлбэр болж, уламжлалт хөрөнгийн зах зээлтэй төстэй эрсдэлийг дагуулж байна гэж үзэж байна.
Сенаторуудын байр суурь нэг өгүүлбэрээр тодорхой: хэрэв prediction market нь мэдээлэл дээр суурилсан арилжаа бол түүнийг хувьцаа, деривативын зах зээлтэй дүйцэхүйц хяналтын дор оруулах ёстой. Харин зохицуулалт сул хэвээр байвал энэ салбар богино хугацаанд өсөхийн зэрэгцээ хөрөнгө оруулагчдын хамгаалалт сулрах аюултай.
