Коми Instagram-ийн “8647” зургаас болж дахин ял сонслоо

АНУ-ын Хууль зүйн яам экс-FBI захирал Жеймс Комиг дахин буруутгалаа. Энэ удаа асуудал нь Instagram-д тавьсан, далайн хясаагаар “8647” гэж өрсөн зураг.

Яамны мэдэгдлээр, уг нийтлэлийг ердийн пост биш, Ерөнхийлөгч Дональд Трампт заналхийлсэн дохио гэж үзжээ. Коми өнгөрсөн тавдугаар сард нийтэлсэн ч дараа нь устгасан энэ зураг цахим орчинд шууд улс төрийн дуулиан болсон юм.

“86” гэх хэллэгийг англи слэнгт “хөөх”, “арилгах” гэсэн утгаар хэрэглэдэг. Тиймээс мөрдөн шалгагчид энэ тоог санаандгүй сонголт биш, санаатай мессеж байж болзошгүй гэж үзэж байна.

Энэ хэрэг зөвхөн нэг зурагтай холбоотой биш. Улс төр, цахим сүлжээ, хууль эрх зүй хэр хурдан мөргөлдөж болдгийн бас нэг жишээ болж байна.