Сингапурт өсвөр насны Франц хүүхэд автомат машины ундааны машины соруул долоосон хэргээр хоёр жилийн хорих ял авлаа
Сингапурт амьдарч буй Францын 18 настай сурагч автомат жүржийн шүүсийн машинд байрлах соруулаас долоож, буцаан хийсэн гэх хэрэгт холбогдон шүүхийн хариуцлага хүлээх нөхцөлд хүрээд байна.
Уг явдал 3-р сарын 12-нд худалдааны төвд болсон бөгөөд хүү өөрийн үйлдлийг бичлэг хийж, сошиал сүлжээнд байршуулснаар олон нийтийн анхаарлыг татаж, улмаар эрх бүхий байгууллагууд шалгалт эхлүүлжээ.
Сингапур нь хууль дүрэм чанд мөрддөг улсаараа алдартай бөгөөд энэ тохиолдолд тухайн сурагчид:
- Нийтийн хэв журмыг зөрчсөн
- Санаатайгаар эд зүйлд хохирол учруулсан
гэх хоёр төрлийн зөрчилд буруутгагдаж байна. Хоёр дахь зөрчил нь илүү хүнд ангилалд багтах бөгөөд хоёр жил хүртэл хорих ял оноох боломжтой аж.
Мэдээллээр, уг автоматыг ажиллуулдаг компани аюулгүй байдлын үүднээс тухайн машин дахь бүх сорууруудыг шинээр сольсон байна.
Хүү нь Сингапур дахь Францын бизнесийн сургуулийн салбарт суралцдаг бөгөөд сургуулийн зүгээс гэр бүлтэй нь холбоотой ажиллаж, дэмжлэг үзүүлж байгаагаа мэдэгдсэн ч хэрэг шалгагдаж буй тул дэлгэрэнгүй тайлбар өгөөгүй байна.
Одоогоор түүнийг тодорхой хэмжээний барьцаагаар сулласан бөгөөд дараагийн шүүх хурал 5-р сарын 22-ндтовлогджээ.
Энэ нь Сингапурын хатуу хууль тогтоомжид гадаадын залуус холбогдсон анхны тохиолдол биш бөгөөд тус улс хууль зөрчсөн тохиолдолд иргэншлээс үл хамааран хатуу арга хэмжээ авдгаараа онцлог юм.
