Cho Hyun Chul, Moon Hee нар “Happy Anding”-ийн шинэ гэрэл зургууд
tvN-ийн удахгүй гарах “Happy Anding” драм “Soompi”-ийн мэдээлснээр дүрүүдийн харилцааны өөр өөр өнгө аясыг харуулсан шинэ гэрэл зургуудыг цацлаа.
Энэхүү coming-of-age драм нь 10 жилийн турш нэрээ гаргах гэж зүтгэж буй гурван инээдмийн жүжигчний тухай өгүүлдэг. Нууцлаг эмэгтэйтэй таарснаар тэд шинэ замаа олохоор хөдөлнө.
Cho Hyun Chul-ын бүтээх Kim Nam Il нь Asura хамтлагийн нэг хэсэг ч одоогоор нэрээ гаргаагүй инээдмийн жүжигчин бөгөөд Moon Hee-ийн дүр Lee Na Yeon түүний 10 жилийн турш хамт байгаа найз бүсгүй. Шинэ гэрэл зургууд дээр хос хоёр кафенд өөд өөдөөсөө сууж, халуун дотноор ширтэж буй нь харагдана.
Мөн Kim Nam Il, Lee Na Yeon хоёрын удаан хугацааны харилцааны тав тухтай дотно байдлыг харуулсан кадрууд гарчээ. Тэд 10 жилийн турш бие биенийхээ мөрөөдлийг дэмжсээр ирсэн ч амьдралын бодит байдал болон мөрөөдлийн эрэлхэглэл нь харилцааг нь сорихоор байна.
Lee Yi Dam, Yoon Ga Yi нар биесээсээ тэс өөр ааштай эгч дүүгийн дүрийг бүтээнэ. Ахимаг эгч Go Eun Young нь дөлгөөн, даруу бол дүү Go Ji Young нь нийтэч, хэнийг ч төвөгшөөлгүйгээр дөхөж очдог нэгэн. Хоёулаа өөр өөр зан чанартай ч өдөр тутмын амьдралаа даван туулахдаа бие биедээ хамгийн их түшиг болдог.