Chungha эрүүл мэндийн шалтгаанаар сургуулийн наадамд оролцохгүй
Soompi-гийн мэдээлснээр дуучин Chungha (Чонха) гэнэт илэрсэн эрүүл мэндийн асуудлын улмаас эмнэлгийн яаралтай тусламжид хүргэгдэж, одоогоор эмчилгээ авч байна. Үүний улмаас тэр өнөөдөр болох байсан Kyonggi University Seoul Campus-ийн “Gwiryeongje Deja Vu” наадамд тайзнаа гарах боломжгүй болжээ.
Түүний агентлаг MORE VISION энэ тухай есдүгээр сарын 18-нд албан ёсны сошиал хуудсаараа дамжуулан мэдэгдсэн байна. Мэдэгдэлд зохион байгуулагчид болон тус сургуулийн оюутнуудаас гэнэтийн мэдээллээс үүдсэн түгшүүр, хүндрэлд уучлалт хүсэж, Chungha-г хурдан эдгэрэхэд нь бүх талаар дэмжинэ гэжээ.
Агентлаг мөн түүнтэй уулзахаар хүлээсэн бүх хүнд хандаж харамсаж буйгаа илэрхийлсэн байна. Харин Kyonggi University-ийн “Gwiryeongje” арга хэмжээ аюулгүй, амжилттай үргэлжлэхийг хүсжээ.
