Де-долларжилтын яриа хүчтэй ч бодит алхам удааширч байна

БРИКС-ийн удирдагчид дотоод худалдаандаа ам.доллараас хамаарал бууруулахын тулд үндэсний валютуудыг түлхүү ашиглах ёстой гэж онцолж байна.

Гэхдээ энэ зорилго бодит хэрэгжилтэд шилжихэд тийм ч амар биш байна. Валютын хөрвөх чадвар, төлбөр тооцооны дэд бүтэц, гишүүн орнуудын хоорондын санхүүгийн зохицуулалт зэрэг олон асуудал саад болж байгаа юм.

Өөрөөр хэлбэл, де-долларжилтын тухай яриа улс төрийн түвшинд эрчимтэй өрнөж байгаа ч худалдаа, санхүүгийн урсгал дээрх өөрчлөлт харьцангуй удаан байна. Ам.долларын давамгайлалд сэв суулгах хүсэл хүчтэй ч түүнээс гарах бодит системийг байгуулахад цаг, итгэлцэл, дэд бүтэц гурвын аль аль нь хэрэгтэй хэвээр байна.