Debian AI кодыг хориглохгүй гэв

Debian хиймэл оюун ашигласан кодыг төслөөсөө шахахгүй гэж шийдлээ. Linux түгээлтийн хөгжүүлэгчид AI хэрэгслээр хийсэн оролцоог “хөгжил, засвар үйлчилгээ, баримтжуулалт”-ад ашиглахыг зөвшөөрөхөөр санал өгсөн байна.

Шинэ бодлогоор бол AI-г хариуцлагатай хэрэглэвэл хөгжүүлэгчдийн бүтээмжийг нэмнэ гэж үзжээ. Гол санаа нь: generative AI-д тусгай давуу эрх ч байхгүй, нэмэлт хориг ч байхгүй — Debian-ийн бусад оролцогчдод мөрддөг чанарын дүрэм л адил үйлчилнэ.

Гэхдээ энэ шийдвэр маргаан дагуулж байна. Зарим хөгжүүлэгч, хэрэглэгчид AI-гаар бичигдсэн кодод илүү хатуу хяналт хэрэгтэй гэж үзсэн ч олонхийн санал өөр гарчээ. Энэ нь open-source ертөнц AI-г шууд нээж авах уу, эсвэл шинэ стандарт тогтоох уу гэсэн том асуултыг дахин сөхлөө.