Хормузын хоолойн эрсдэл дэлхийн эдийн засгийг шахаж эхэллээ
Олон улсын Эрчим хүчний агентлагийн тооцоогоор 2026 онд дэлхийн нефтийн хэрэглээ өдөрт 1.6 сая баррелиар буурах төлөвтэй байна. Өндөр түлшний үнэ, мөн Хормузын хоолой орчмын тасалдал нь эрэлтэд хүчтэй дарамт үзүүлж эхэлжээ.
Газрын тосны зах зээлд нийлүүлэлтийн тодорхойгүй байдал нэмэгдэхийн хэрээр хэрэглэгчид болон бизнесүүдийн зардал өсөж, дэлхийн эдийн засагт бодит “шахалт” үүсээд байна. Ялангуяа тээвэр, үйлдвэрлэл, агаарын болон далайн ложистик зэрэг салбарууд шатахууны үнийн савалгаанд хамгийн түрүүнд өртөж байна.
Шинжээчдийн үзэж буйгаар эрэлтийн бууралт нь зөвхөн түр зуурын савлагаа биш. Хэрэв бүс нутгийн эрсдэл удаан үргэлжилбэл нефтийн хэрэглээний өсөлт саарч, зах зээл илүү болгоомжтой төлөвт шилжинэ. Ингэснээр инфляц дахин хөөрөх, төв банкуудын бодлогын дарамт нэмэгдэх эрсдэл ч бий.
