Microsoft шинэ Xbox UI-г санамсаргүй илчилчихэв үү?
Microsoft энэ удаа Xbox интерфэйсээ нэг мөр болгох гэж байгаагаа илүү тод харууллаа. Game Developers Conference дээр гар утас, консол, cloud gaming дээр ижилхэн ажиллах “consistent” UI-г үзүүлсэн ч тэр үед шинэ зүйл яг юу вэ гэдэг нь бүрэн ойлгомжгүй байсан.
Гэхдээ одоо Microsoft-ын нийтэлсэн шинэ keynote видео илүү ойроос харуулснаар Xbox-ийн дараагийн dashboard-ийн зураг арай тодорч байна. Xbox-ийн next gen хариуцсан дэд ерөнхийлөгч Jason Ronald хэрэглэгчид төхөөрөмж бүр дээр өөр өөр мэдрэмж, “fragmentation” их байгааг онцолжээ.
Энэ өөрчлөлт зүгээр нэг дизайн шинэчлэл биш. Microsoft Xbox-оо handheld, console, cloud дээр нэг экосистем шиг харагдуулж, хэрэглэгчийн туршлагыг илүү эвтэйхэн болгохыг зорьж байна. Энэ нь Xbox-ийн ирээдүйн бүтээгдэхүүн, платформын өрсөлдөөнд чухал дохио болж байна.
