Barclays хиймэл оюуны үр ашгийн төлөө 5,000 ажлын байр танана
Британий томоохон банк Barclays хиймэл оюуны ашиглалтаар үйл ажиллагаагаа илүү үр дүнтэй болгох хүрээнд 5,000 орчим ажлын байрыг цомхотгохоор төлөвлөж байгаагаа зарлалаа.
Уг шийдвэр нь зардлаа бууруулж, бүтээмжээ өсгөх өргөн хүрээний стратегийн нэг хэсэг гэж үзэж байна. Банкууд сүүлийн жилүүдэд автоматжуулалт, өгөгдлийн шинжилгээ, хэрэглэгчийн үйлчилгээний AI шийдлүүдийг эрчимтэй нэвтрүүлж, хүний нөөцийн бүтцийг дахин төлөвлөхөд хүрч байгаа.
Barclays-ийн энэхүү алхам нь санхүүгийн салбарт AI хэрхэн шууд ажлын байрны бүтцийг өөрчилж байгааг харуулсан бас нэг дохио боллоо. Ялангуяа ар талын дэмжлэг, давтагддаг үйл ажиллагаануудыг технологиор орлуулах хандлага улам хүчээ авч байна.
Харин нөгөө талд, банкны хувьд хиймэл оюун нь үр ашгийг нэмэгдүүлэхээс гадна өрсөлдөх чадварыг хадгалах гол хөшүүрэг болж байна.
