Hwang Jung Min-ийн агентлаг мөрдөх хэргийн шүүхийн шийдвэрийг зарлалаа
Жүжигчин Hwang Jung Min (Хван Жон Мин)-ийг мөрдөж, дарамталсан хэрэгтэй холбоотой анхан шатны шүүхийн шийдвэр гарсныг түүний SEM Company агентлаг зарлалаа. Soompi-гийн мэдээлснээр, шүүх тухайн хэрэгт холбогдсон “A”-г байнгын болон санаатай мөрдлөгийн бүх зүйл ангиар буруутайд тооцож, 6 сая воны торгууль болон 40 цагийн мөрдлөгийн эсрэг сургалтад хамрагдах шийтгэл оноосон байна.
Агентлагийн мэдэгдэлд шүүхийн шийдвэрээр уг этгээдийн өмнөх үйлдлүүд Hwang Jung Min-ийн өдөр тутмын амьдралд ноцтойгоор халдсан, илт мөрдөх гэмт хэрэг байсныг тодорхойлсон гэж дурджээ. Мөн хүний амь нас, аюулгүй байдалд заналхийлдэг ийм үйлдлийг ямар ч шалтгаанаар зөвтгөх боломжгүйг онцолсон байна.
Түүнчлэн шүүх хуралтай зэрэгцэн тараагдсан худал мэдээлэл, мөн санаатайгаар эвлүүлсэн бичлэгүүдийг цаашид түгээх, тараахтай холбоотой бүх боломжит хууль зүйн арга хэмжээг авахаа SEM Company мэдэгдсэн. Хамгийн сүүлд долоодугаар сард түүний хувийн амьдралтай холбоотой таамаг, мэдэгдлүүд цахим орчинд тархаж, агентлаг уг материалыг нийтэлсэн этгээд удаан хугацаанд мөрдөж, дарамталж байсан сэжигтэн гэж тайлбарлаж байв.
