Kalshi-ийн шинэ ‘perps’ арилжаа долоо хоногт $1 тэрбумыг давлаа

Prediction market платформ Kalshi-ийн шинээр нэвтрүүлсэн “perps” бүтээгдэхүүн зах зээлд гараад ердөө долоо хоногийн дотор 1 тэрбум ам.долларын арилжааны хэмжээг давжээ.

Компанийн төлөөлөгчийн хэлснээр энэ нь Kalshi-ийн түүхэн дэх хамгийн хурдан өсөлттэй бүтээгдэхүүн болж байна. Богино хугацаанд ийм өндөр дүн цуглуулсан нь хэрэглэгчдийн сонирхол өндөр байгааг харуулж байгаа юм.

“Perps” нь уламжлалт хөрөнгийн зах зээлд өргөн хэрэглэгддэг perpetual contracts буюу хугацаагүй фьючерсийн загвартай төстэй бүтэцтэй арилжааны хэрэгсэл гэж ойлгож болно. Kalshi үүнийг prediction market-ийн орчинд нэвтрүүлснээр зах зээл дээрх эрэлт хурдан өсөж, арилжааны идэвхийг мэдэгдэхүйц нэмэгдүүлжээ.

Энэ амжилт нь Kalshi зөвхөн таамаглалд суурилсан бүтээгдэхүүнээр хязгаарлагдахгүй, шинэ төрлийн арилжааны хэрэгсэл нэвтрүүлж, хэрэглэгчийн баазаа хурдтай тэлж байгааг харуулж байна. Зах зээлийн энэхүү эрчийг цаашид хадгалж чадах эсэх нь компанийн дараагийн гол сорилт болох төлөвтэй.