Хөшүүрэгтэй ETF-ийн хөрөнгө хоёр сард хоёр дахин өсөж, AI-д итгэл нэмэгдэв

Хөрөнгө оруулагчид хиймэл оюун ухаан болон технологитой уялдсан ETF-үүд рүү улам хүчтэй урсаж байна. Сүүлийн хоёр сарын дотор АНУ, Солонгос, Тайваний зах зээлтэй холбогдсон ийм бүтээгдэхүүний хөрөнгө хоёр дахин нэмэгджээ.

Зах зээл дээр AI-ийн өсөлтийг дагах хамгийн хурдан замын нэг нь хөшүүрэгтэй ETF болж байна. Эдгээр сан нь богино хугацаанд илүү өндөр өгөөж хайж буй хөрөнгө оруулагчдын анхаарлыг татаж, технологийн салбарын эрпсдэлийг давхар үүрэхэд бэлэн байгааг харууллаа.

Ялангуяа чип үйлдвэрлэгчид, AI дэд бүтэц, мэдээллийн технологийн компаниудад төвлөрсөн бүтээгдэхүүнүүд илүү эрэлттэй байгаа нь ажиглагдаж байна. Өсөлтийн хүлээлт өндөр хэвээр байгаа энэ үед зах зээлд оролцогчид AI-тай холбоотой ралли үргэлжилнэ гэж тооцоолж, илүү зоримог байршуулалт хийж эхэлжээ.

Гэхдээ хөшүүрэгтэй ETF нь ашигтай үед хурдан өсөхийн зэрэгцээ уналтын үед алдагдлыг ч мөн хурдасгадаг. Тиймээс энэ төрлийн сан нь AI-ийн боломжийг дагах гэсэн хөрөнгө оруулагчдад сонирхолтой ч, эрсдэлийн өндөр түвшинтэй сонголт хэвээр байна.