Uber аппдаа зочид буудал нэмлээ

Uber зөвхөн унаа, хоол, хүнс хүргэлтээр хязгаарлагдахгүй боллоо. Тус компани аппдаа зочид буудал захиалах, төлбөр төлөх боломж нэмснээ зарлаж, аяллын зах зээл рүү илүү том алхам хийлээ.

Энэ нь Uber-ийн хувьд хамгийн сонирхолтой өргөтгөлүүдийн нэг бөгөөд хэрэглэгч нэг апп дотор унаа, хоол, одоо бүр байр ч захиалах боломжтой болж байна. Компанийн жил тутмын Go/Get арга хэмжээний үеэр танилцуулсан энэ шинэчлэл нь Uber-ийг илүү өргөн travel platform болгох зорилготойг харуулж байна.

Ийнхүү Uber аяллын зах зээлд хүчтэй орж ирснээр Expedia зэрэг түншүүдтэй ойр ажиллах, хэрэглэгчийн аяллын бүх шатны орлогыг нэг дор төвлөрүүлэх боломж нээгдэж байна. Энэ нь зөвхөн бүтээгдэхүүний шинэчлэл биш — Uber-ийн ирээдүйн өсөлтийн шинэ суваг болж магадгүй.