Трампын шинэ дүрэм: Машинууд илүү их шатахуун иднэ
АНУ-д автомашины түлшний хэмнэлтийн стандартууд сулрах нь тодорхой боллоо. Тээврийн яам Трампын захиргааны шинэ дүрмийг албан ёсоор баталж, үүнийг хоёр дахь бүрэн эрхийнх нь хамгийн том “дүрэм сулруулалт” гэж тодотгов.
Шинэ хувилбар нь Байдены үед төлөвлөсөн хатуу зорилтыг үндсэндээ цуцалж байна. Өмнөх төлөвлөгөөгөөр 2031 он гэхэд автомашины дундаж түлшний зарцуулалт 50.4 миль/галлон хүрэх ёстой байсан бол Трампын шинэ шаардлага 34.9 миль/галлон болж буурлаа.
Засгийн газар энэ өөрчлөлт машины үнийг дунджаар 1,300 доллараар хямдруулна гэж мэдэгдэж байна. Гэхдээ хэрэглэгчийн эрх, эрүүл мэнд, байгаль орчны бүлгүүд энэ шийдвэрийг эрс эсэргүүцэж байна.
Энэ өөрчлөлт нь автомашин үйлдвэрлэгчдэд богино хугацаанд амар, хямд сонголт өгч байгаа ч урт хугацаанд түлшний зардал, утаа ялгаруулалт, уур амьсгалын бодлогод том цохилт болно.
