Боб Айгер, Жошуа Кушнер нар Лос Анжелес Лейкерсийг өндөр үнээр авч байна
Venture capital салбарын нэрт хөрөнгө оруулагч Жошуа Кушнер болон Disney-ийн экс гүйцэтгэх захирал Боб Айгер нар Лос Анжелес Лейкерс багийн Марк Уолтерын эзэмшдэг хувьцааг худалдан авч байна. Энэхүү хэлцэл нь багийн үнэлгээг 12.5 тэрбум ам.долларт хүргэж, спортын түүхэн дэх хамгийн өндөр үнэлгээтэй наймаануудын нэг боллоо.
Лейкерс шиг дэлхийн хэмжээний брэндэд ийнхүү өндөр үнэлгээ тогтоогдож буй нь зөвхөн спортын зах зээл бус, медиа, контент, брэндинг, хэрэглэгчийн үнэнч байдлын үнэ цэнийг давхар илтгэж байна.
Бизнесийн ертөнцөд нэр хүндтэй хоёр хүн ийм том хэмжээний багт хөрөнгө оруулж байгаа нь NBA-ийн франчайзын үнэ цэнэ цаашид ч өсөх магадлалыг харуулж байна. Лос Анжелесийн алдарт баг зөвхөн талбай дээрх амжилтаараа биш, дэлхий даяарх нөлөөллөөрөө хөрөнгө оруулагчдын анхаарлыг татсаар байна.
