Женсен Хуанг: AI-ийн зардал хоёр дахин өсөхөөс ч илүү байж магадгүй
Хиймэл оюуны салбарын хөрөнгө оруулалт хоёр жилийн дотор 1 их наяд ам.долларт хүрнэ гэсэн тооцоо гарчээ. Гэхдээ Nvidia-ийн гүйцэтгэх захирал Женсен Хуанг энэ тоо бүрэн дүүрэн зураглал биш гэж үзэж байна.
Түүний хэлснээр AI-д зориулсан капиталь зардал одоогоор 1 их наяд ам.долларын орчимд хүрээд зогсохгүй, цаашлаад 3–4 их наяд ам.долларын бүс рүү тэлэх хандлагатай байна. Өөрөөр хэлбэл, дата төв, чип, тооцооллын дэд бүтэц, AI загвар сургах хүчин чадалд чиглэсэн мөнгөний урсгал ойрын хугацаанд асар хурдтай өсөх төлөвтэй.
Энэ нь зөвхөн технологийн компаниудын өрсөлдөөн биш, харин дэлхийн зах зээл дээрх хамгийн том хөрөнгө оруулалтын давлагаануудын нэг болохыг илтгэнэ. AI-ийн эрэлт тэлэхийн хэрээр өндөр хүчин чадалтай график процессор, сервер, эрчим хүчний дэд бүтэц зэрэгт дарамт улам нэмэгдэхээр байна.
Хуангын байр суурь нэг зүйлийг тодорхой харуулж байна: хиймэл оюун бол түр зуурын тренд биш, харин олон их наяд ам.долларын өртөгтэй шинэ эдийн засгийн үндэс суурь болж байна.