Кен Гриффин: Хормузын хоолой 6–12 сар хаалттай байвал дэлхийн эдийн засаг зайлшгүй уналтад орно

Citadel-ийн тэрбумтан хөрөнгө оруулагч Кен Гриффины хэлснээр, Хормузын хоолойг дараагийн 6–12 сарын турш хаалттай байлгавал дэлхийн хэмжээнд зайлшгүй хямрал, өөрөөр хэлбэл рецесс үүсэх эрсдэлтэй байна.

Тэрбээр энэ гарцыг удаан хугацаанд хаах нь эрчим хүчний нийлүүлэлтийг доголдуулж, нефтийн үнэ огцом өсөхөд хүргэнэ гэж анхааруулжээ. Хормузын хоолой нь дэлхийн газрын тосны тээвэрлэлтийн хамгийн чухал зангилаануудын нэг бөгөөд түүгээр дамжин өнгөрөх урсгал тасалдвал өсөлт саарч, инфляци дахин хөөрөх магадлалтай.

Гриффины байр суурь дэлхийн зах зээлд улс төрийн эрсдэл ямар хурдан санхүү, эдийн засагт дарамт үзүүлж болдгийг дахин санууллаа.