Goldman Sachs, JPMorgan, Morgan Stanley AI өсөлтөд ноёрхож байна
Уолл Стритийн “Их гурав” буюу Goldman Sachs, JPMorgan Chase, Morgan Stanley нар хиймэл оюуныг тойрсон хөрөнгийн зах зээлийн огцом өсөлтөөс хамгийн их үр шим хүртэж байна.
Эдгээр банкууд энэ онд хувьцааны арилжааны орлогоор нийт 52 тэрбум ам.доллар цуглуулж, зах зээлийн ойролцоогоор 80 хувийг дангаар эзэлжээ. Үүний гол хөдөлгөгч хүч нь хедж сангуудад олгож буй маржин зээл нэмэгдсэнтэй холбоотой.
AI-т төвлөрсөн компаниудын үнэлгээ өсөж, арилжааны идэвх эрчимжихийн хэрээр томоохон банкуудын брокер, арилжаа, санхүүжилтийн бизнес улам хүчирхэгжиж байна. Зах зээл савлагаатай байх тусам хөрөнгө оруулагчид хурдан байр сууриа өөрчилдөг бөгөөд энэ нь орлогоо өсгөх шинэ боломжийг банкуудад олгож байна.
Ингэснээр AI-ийн өсөлт зөвхөн технологийн компаниудад бус, арилжааны дэд бүтцийг атгадаг хөрөнгө оруулалтын том банкуудад ч ашигтайгаар эргэж байна.
