Solbi, Lee Kyu Han нар ирэх жил хуримаа хийнэ
Soompi-гийн мэдээлснээр, дуучин, уран бүтээлч Solbi болон жүжигчин Lee Kyu Han нар гэрлэхээр болжээ. Аравдугаар сарын 15-нд нэгэн хэвлэл тэднийг ирэх жил хуримынхаа бэлтгэлийг хийж байна гэж мэдээлсний дараа Solbi-ийн агентлаг Jian Castle энэ мэдээллийг баталлаа.
Агентлагийн мэдэгдэлд, хоёр хүн бие биеэ хайрлаж, итгэлцэлдээ тулгуурлан нөхөр, эхнэр болохоор амласан гэжээ. Мөн тэд саяхан хоёр талын гэр бүлтэйгээ уулзаж, гэрлэх хүсэлтээ хуваалцсан бөгөөд хуримаа 2027 оны дөрөвдүгээр сард хийхээр төлөвлөж байна.
Хуримыг зөвхөн гэр бүлийнхэн, төрөл садан, ойрын танилууд оролцсон хувийн ёслол хэлбэрээр зохион байгуулахаар төлөвлөжээ. Jian Castle хоёрт нь ирээдүйд нь дэмжлэг, ерөөл хайрлахыг хүссэн байна.
Solbi 2006 онд холимог бүрэлдэхүүнтэй Typhoon хамтлагийн гишүүнээр уран бүтээлийн гараагаа эхэлж, 2010 оноос Kwon Ji An нэрээр ч уран бүтээлчээр ажиллаж ирсэн. Харин Lee Kyu Han 1998 онд MBC-ийн “Love & Success” олон ангит кинонд анх дүр бүтээж, “My Lovely Sam Soon”, “Graceful Family”, “The Judge from Hell” зэрэг бүтээлүүдээр танигдсан юм.
