Lee Jong Suk “The Remarried Empress” драмд эсрэг эзэнт гүрэнд нэвтэрнэ
Disney+-ийн удахгүй гарах уран зөгнөлт, романтик драма “The Remarried Empress” Lee Jong Suk-ыг харуулсан шинэ гэрэл зургуудыг нийтэллээ.
Популяр ижил нэрт вэб романаас сэдэвлэсэн уг бүтээлд Eastern Empire-ийн төгс хатан Navier-ийн амьдралын түүх өгүүлнэ. Түүний нөхөр, Eastern Empire-ийн эзэн хаан Sovieshu түүнээс урваж, салснаар Navier Western Empire-ийн ханхүү Heinrey-тай гэрлэдэг.
Шинээр гарсан гэрэл зургууд Heinrey-ийн хоёр талт дүр төрхийг тодотгожээ. Тэрбээр Шинэ жилийн баярт зориулсан төлөөлөгчдийн бүрэлдэхүүнтэй Eastern Empire-д хүрэлцэн ирэхдээ эзэнт гүрний ордонд анх бүрэн хэмжээгээр үзэгдэнэ.
Нэг зурагт тэр илдээ чанга атган, хурц харцаар дүрслэгдсэн бол өөр нэг зурагт ордонд тайван инээмсэглэж буй нь гарчээ. Navier-руу чиглэсэн дулаан харц нь түүний жинхэнэ зорилгоо нууцалсан, тайлахад амаргүй дүрийг улам тодруулж байна.
Heinrey нь хэнд хандаж байгаагаасаа шалтгаалаад огт өөр өнгө аястай харагдана. Navier-д тэр сэтгэл хөдлөлөө ил тод илэрхийлдэг бол Sovieshu-ийн өмнө хүйтэн байдалтай хэвээр үлддэг бөгөөд Lee Jong Suk энэ ялгааг нүд, төрхөө ашиглан нарийн илэрхийлжээ.
Найруулагч Jo Soo Won түүний тоглолтын талаар “Өөр газар хаана ч харагдаагүй тал нь байсан. Тэр нүднийхээ өөрчлөлтүүдээр тухайн агшны нарийн ялгааг маш сайн гаргасан” гэжээ. Мөн зохиолч Yeo Ji Na “Navier-д шинэ ертөнцийг нээж өгдөг Heinrey-ийн дүрийг бүрэн өөрийн болгож чадсан” хэмээн онцолсон байна.
Heinrey-ийн ирэлт нь Navier, Sovieshu, Rashta нарын харилцаанд ч өөрчлөлт авчирна гэж үзэж байгаа бөгөөд энэ нь анхаарал татах гол хэсэгт тооцогдож байна. “The Remarried Empress” 11 дүгээр сарын 4-нд нээлтээ хийнэ гэж Soompi мэдээллээ.
