Mazda Хятадад үйлдвэрлэсэн шинэ EV-үүд нэмэхээр хэлэлцэж байна
Mazda нь Хятадад үйлдвэрлэсэн цахилгаан автомашинуудынхаа цувааг өргөжүүлэхээр Changan-тэй хэлэлцэж эхэлснээ ил болголоо. Motor1-ийн мэдээлснээр тус компани одоо экспортын зах зээлд худалдаалж буй 6e болон CX-6e-ээс цааш хоёр биш, өөр загваруудыг ч хамруулах боломжийг судалж байна.
Mazda Australia-ийн удирдлага Vinesh Bhindi энэ түншлэл EV-үүд дээр үргэлжилнэ гэдгийг нээлттэй хэлсэн байна. Энэ нь Mazda-д шинэ цахилгаан загваруудыг эхнээс нь бүтээхгүйгээр илүү хурдан гаргах, зардлаа бууруулах давуу тал өгч байгаа хэрэг.
Компанийн төлөвлөгөөнд 2028-2030 онд Changan-тай хамтарсан суурьтай өөр хоёр загвар нэмэхээр тусгагдсан байна. Үүний зэрэгцээ Mazda өөрийн батерейтай цахилгаан автомашиныг 2029 он руу хойшлуулж, хөрөнгө оруулалтаа бууруулаад гибрид технологид илүү төвлөрчээ.
Европ зэрэг зах зээлд утааны хатуу дүрэм үйлдвэрлэгчдийг EV-ээ нэмэхэд шахаж байгаа тул Mazda-д Changan-ийн платформ богино хугацааны чухал шийдэл болж байна.
