116 байгууллага хиймэл оюунд тулгуурласан кибер хамгаалалтад нэгдлээ
Хиймэл оюун ухааныг кибер хамгаалалтад ашиглах томоохон санаачилгад 116 компани, байгууллага нэгдэж, энэ салбарт хурдтай ажиллах шаардлагатайг онцоллоо.
Тэдний үзэж буйгаар фишинг, ransomware, дэд бүтцэд чиглэсэн халдлага улам нарийсч, хамгаалалтын уламжлалт арга дангаараа хангалтгүй болж байна. Ийм нөхцөлд хиймэл оюун ухаан нь сэжигтэй үйлдлийг эрт илрүүлэх, довтолгооны хэв маягийг таних, хариу арга хэмжээг илүү хурдан авах боломж олгоно гэж тэд харж байна.
Мөн захидалд засгийн газар, хувийн хэвшил илүү уялдаа холбоотой ажиллаж, дарамтад орсон чухал дэд бүтцийн байгууллагуудыг кибер хамгаалалтад хямд бөгөөд хүртээмжтэй байдлаар холбох ёстойг уриалжээ.
Энэхүү санаачилга нь хиймэл оюун ухааны өрсөлдөөн зөвхөн бүтээгдэхүүний түвшинд бус, үндэсний аюулгүй байдал, санхүү, эрчим хүч, харилцаа холбооны хамгаалалтад ч нөлөөлж эхэлснийг харуулж байна.
