Гүүглээс гарсан рекрутер: Намтартаа энэ алдааг бүү гарга
Ажил хайгчдын хамгийн түгээмэл алдаа бол намтар дээрээ “би чадна” гэж ерөнхий хэлэх байдаг гэж хуучин Google-ийн рекрутер Фарах Шарги онцолж байна. Түүний хэлснээр, одоогийн өрсөлдөөнтэй хөдөлмөрийн зах зээлд таныг ялгаруулах зүйл бол боломж биш, харин бодит нотолгоо.
Ажил олгогчид намтрыг уншихдаа танд удаан хугацаа зарцуулдаггүй. Заримдаа ердөө хэдхэн секундийн дотор тухайн хүнийг дараагийн шатанд оруулах эсэхээ шийддэг. Тиймээс таны туршлага, хүрсэн үр дүн, хэмжиж болох амжилтууд хамгийн түрүүнд харагдах ёстой.
Шаргигийн зөвлөгөөгөөр бол “сурах хүсэлтэй”, “өсөх боломжтой” гэх мэт ерөнхий өгүүлбэрээс илүү тухайн ажлыг бодитоор хийж байсан баримт, хэрэгжүүлсэн төсөл, өсгөсөн үзүүлэлтээ тодорхой бичих нь чухал. Өөрөөр хэлбэл, намтар тань таны ирээдүйг биш, өнөөдөр юу хийж чадахаа харуулах ёстой.
Хэрэв таны CV уншигчийн нүдэнд даруйдаа үнэ цэн өгч чадахгүй бол тэр намтар “үл үзэгдэгч” болох эрсдэлтэй. Ингэхээр ганц асуулт л үлдэнэ: таны намтар ажил олгогчид эхний зургаан секундэд юу харуулж чадаж байна вэ?
