Nvidia AI салбарын хөрөнгө оруулагч болж, 40 тэрбумыг давлаа
Nvidia зөвхөн чип нийлүүлэгч байхаа больж, хиймэл оюуны экосистемийн томоохон хөрөнгө оруулагч болж хувирч байна. Энэ жил тус компани AI дэд бүтцийн сүлжээний янз бүрийн шатанд ажилладаг стартап, компаниудад нийт 40 тэрбум ам.доллараас давсан хөрөнгө оруулалтын амлалт өгөөд байна.
Тэдгээрийн ихэнх нь зүгээр нэг санхүүгийн бооцоо биш. Nvidia хөрөнгө оруулалт хийхийн зэрэгцээ түншүүдтэйгээ худалдааны гэрээ байгуулж, өөрийн технологийг илүү өргөн хүрээнд түгээх стратеги баримталж байна. Ингэснээр компанийн өсөлт зөвхөн бүтээгдэхүүний борлуулалтаас бус, AI-ийн бүхэл бүтэн нийлүүлэлтийн сүлжээн дэх нөлөөнөөс хамаарах болжээ.
Энэхүү байр суурь нь Nvidia-г AI-ийн “тоглоомын талбай”-н төвд улам гүн оруулж, дата төвөөс эхлээд тооцооллын дэд бүтэц хүртэлх зах зээлд нөлөөгөө тэлэх боломж олгож байна. Өөрөөр хэлбэл, Nvidia одоо AI өсөлтийн хөдөлгүүрийг зүгээр хангаад зогсохгүй, түүний дотоод бүтэц рүү нь хөрөнгө оруулж байна.
