“Subnautica 2” эцэст нь гарна — гэхдээ шүүхийн дуулианы дараа
“Subnautica 2” олон сарын маргааны дараа эцэст нь гарах гэж байна. Steam дээр хамгийн их хүссэн тоглоомын нэг болоод буй энэ цуврал 5-р сарын 14-нд PC болон Xbox Series X/S дээр early access хэлбэрээр нээгдэнэ.
Гэхдээ энэ нээлтийн ард бизнесийн том драма өрнөсөн. Unknown Worlds студи болон эзэмшигч Krafton-ын удирдлагын маргаан, гүйцэтгэх захирлуудын өөрчлөлт, болон удаашралтай холбоотой асуудлууд сүүлийн саруудад олны анхаарлын төвд байсан.
Эхэндээ тоглоом 2025 онд гарахаар төлөвлөгдсөн ч дараа нь 2026 он хүртэл хойшилсон. Одоо харин тоглогчдын хамгийн их хүлээж буй төслүүдийн нэг бодитоор зах зээлд орж ирэх гэж байна. Энэ нь зөвхөн тоглоомын биш, мөн томоохон хэвлэн нийтлэгч ба студийн эрх мэдлийн тэмцэл контентын нээлтэд хэр хүчтэй нөлөөлдгийн жишээ болж байна.
